martes, 24 de xaneiro de 2017

Outra oposición máis da Xunta nos xulgados: Delineantes 2013

Unha sentenza do Tribunal Superior de Xustiza de Galiza obriga a repetir o exame práctico da oposición convocada no 2013


Estes días saíron na prensa moitas noticias sobre irregularidades en procesos selectivos da Xunta que dan lugar a admisión de aspirantes suspendidos, repetición de probas, rebaremación de notas… pero nunca a asunción de responsabilidades por parte dos tribunais e de quen os nomeou, ou sexa Función Pública a través do señor Barreiro.

Hoxe traemos aquí outra chapuza examinadora por parte desta Administración; o caso é que no ano 2014 realizáronse os exames para varias prazas da escala de Delineantes convocados no 2013 e no exame práctico había dúas opción: a opción B que non dou problemas, e a opción A que tiña un exame irresoluble e que fixo que cada opositor tivese que buscarse a vida, sen datos obxectivos, para poder elaboralo.

Boletín especial - Lei de medidas 2017

https://drive.google.com/file/d/0B1evwCG_jwK2aDVCVUdncmdFUFp3aWY3N3QyRjFnSi1MNUdB/view
Xa está dispoñible para descarga o boletín especial da CIG sobre a Lei de medidas 2017. Neste especial poderás atopar os seguintes artigos:
  • Os empregados públicos da Xunta sempre na incertidume
  • Funcionarizar ou precarizar
  • Eliminación de dereitos
  • Creación de Escalas para facer de todo
  • A CIG e a funcionarización
Descargar boletín

venres, 20 de xaneiro de 2017

Publicada a segunda edición da guía de conciliación da CIG

https://drive.google.com/file/d/0B1evwCG_jwK2TG5tckdCMUswYjhBTWkxSTBPQkFWdFYzMWVJ/view?usp=sharing

Damos resposta ás túas dúbidas sobre prestacións e dereitos relacionados coa conciliación da vida familiar e laboral, e outras medidas de igualdade de oportunidades no traballo.


Desde a Secretaría da Muller da CIG comprobamos na atención á afiliación que, día a día, medra a preocupación das traballadoras e traballadores sobre os dereitos relacionados coa súa maternidade e paternidade, e, en xeral, coa conciliación da súa vida familiar e laboral. Son moitas as dúbidas sobre cal é o marco legal que as e os protexe e a que prestacións teñen dereito. De aí que decidiramos reeditar a guía e mesmo ampliala con respostas a novas dúbidas xurdidas tras a aplicación das últimas reformas.

xoves, 19 de xaneiro de 2017

Orzamentos 2017: mobilizacións en defensa dos servizos públicos e a recuperación dos dereitos roubados

CIG-Área Pública convoca concentracións o 25 de xaneiro e o 6 de febreiro no Pazo do Hórreo


Co gallo do debate e votación dos Orzamentos da Xunta para o ano 2017, a Área Pública da CIG ten convocadas mobilizacións, ás 12 horas, diante do Parlamento Galego o vindeiro mércores 25 de xaneiro e o luns 6 de febreiro, en defensa duns servizos públicos e de calidade e para demandar a recuperación dos dereitos laborais e salariais "roubados nos últimos anos".

Con estas concentracións, explica Maricarme López Santamariña, voceira da Área Pública da CIG (Administración, Ensino e Saúde) quérese amosar o rexeitamento aos orzamentos da Xunta argallados polo goberno do PP para este ano así como á lei de acompañamento.

martes, 17 de xaneiro de 2017

Concentración na Estación de Autobuses contra o acoso en Hedegasa (Autos de Calo)

Nélida Pisco vén padecendo unha situación de acoso laboral desde o ano 2009, tras solicitar unha redución de xornada para atender á súa filla, que naceu cunha enfermidade conxénita. Foi despedida e readmitida, sendo condenada HEDEGASA a pagarlle unha indemnización por danos morais.

A CIG fai un chamamento a participar na concentración convocada para este xoves 19 de xaneiro ás 11h na dársena da Estación de Autobuses de Santiago (Avenida Rodríguez de Viguri, a rúa pola que entran os autobuses), en apoio á traballadora de Autobuses de Calo (HEDEGASA S.L.), Nélida Pisco, quen leva máis de sete anos de acoso laboral.


luns, 16 de xaneiro de 2017

Campaña para a recuperación de dereitos laborais e sociais

A CIG vén de iniciar unha campaña para a recuperación dos dereitos laborais e sociais perdidos nos últimos anos. Achegamos máis abaixo material sobre a análise da situación, propostas e alternativas, así como o chamamento á participar nas mobilizacións que se levarán a cabo, comezando pola manifestación nacional do 28 de xaneiro.

Ademais, no marco desta campaña tamén están previstas concentracións comarcais o 14 de febreiro e mobilizacións o 10 de marzo, sen descartar a convocatoria dunha folga xeral cara aos meses de abril ou maio no caso de que tras a posta en marcha desta iniciativa de concienciación e de acumulación de forzas non se aproban no Congreso español medidas que permitan a recuperación de dereitos perdidos.

venres, 13 de xaneiro de 2017

Máis recortes de postos públicos: modificación da RPT do IGE

Achega o IGE (Instituto Galego de Estatística) unha proposta de modificación da súa relación de postos de traballo (RPT). Nesta proposta temos un balance neto de 3 postos destruídos e un recorte de 76.582,17 €. 

Motivan o recorte en axustar a RPT aos sucesivos "axustes" que a propia Administración se impón a través das últimas leis de Orzamentos. Seguimos sen apreciar a tan cacarexada "recuperación económica" pois, de novo, só propoñen máis recortes de postos públicos.

A proposta inclúe cambios na forma de provisión dalgúns postos, incluíndo o Concurso Específico.